roshni

هيءَ ڪهاڻي آمريڪا جي رهاڪو عورت مس هيلن ڪيلر بابت آهي. هوءَ اتر الاباما جي ٽسڪومبيا نالي ڳوٺ ۾ 27 جون 1880ع تي پيدا ٿي، سندس والد آٿر ايڇ ڪيلر دفاعي فوج ۾ ڪئپٽن هو. شروع ۾ ته هيلن جي زندگي عام ٻارڙن وانگر هئي، پر پوءِ اچانڪ اوڻيهه مهينن جي هلندڙ گهمندڙ ۽ ٻاتا ٻول ٻوليندڙ معصوم ڄمار ۾ سندس گلاب جي گل جهڙي نازڪ وجود کي خزان بيماريءَ جي صورت ۾ اچي وڪوڙيو... گهر ڀاتين ۽ ڊاڪٽرن سندس حياتيءَ مان آسرو ئي لاهي ڇڏيو. چيو وڃي ٿو ته، جنهن کي الله رکي، تنهن کي ڪير چکي، هيلن جي زندگي ته ب چي وئي، پر اُن ڀيانڪ مرض سندس اکين کان نُور کسي ورتو ۽ سندس ڪَنن کي به دنيا جي مٺڙن ورلاپن کان محروم ڪري ڇڏيو؛ يعني بيماريءَ جي حملي بعد ننڍڙي معصوم نينگري نابين ۽ ٻوڙي ٿي ويئي. هيلن ڪيلر جو علاج ڪرائڻ لاءِ سندس مائٽن تمام گهڻي جاکوڙ ڪئي، پر افسوس انهن کي ڪوبه اهڙو ڊاڪٽر هٿ ڪونه آيو، جيڪو معصوم هيلن جي نيڻن ۽ ڪنن کي ڏسڻ ۽ ٻُڌڻ جي قوت ڏيئي سگهي. جيئن جيئن هيلن وڏي پئي ٿي، تيئن تيئن سندس دل ۾ ڳالهائڻ جي خواهش زور وٺندي رهي، پر هوءَ ٻُڌي ڪونه ٿي سگهي ۽ سندس دماغ ۾ لفظن جو ذخيرو ڪونه هو، تنهن ڪري ڳالهائي به ڪونه سگهي.

ستاري جسم يا همزاد (Astral Body) ستاري جسم يا همزاد حقيقت ۾ ڇا آهي، تنهن جي ڪا به پڪي خبر اڃا تائين پئجي نه سگهي آهي. پر ان جي باري ۾ ڪئين نظريا ضرور آهن، جن کي هيٺ پيش ڪجي ٿو: همزاد يا ستاري جسم جي لاءِ ڪجهه ماهرن جو اهو چوڻ آهي ته اهو جسماني وجود وانگر روحاني شڪل جو وجود آهي، جيڪو ايٿر جهڙي مواد منجهان ٺهيل آهي. اهو ايٿر جهڙو مواد ستاري مواد آهي، جيڪو مختلف قسمن جي آفاقي توانائين منجهان ٺهيل آهي. ان ايٿر جهڙي مواد منجهان نه صرف ستاري جسم ٺهندو آهي پر ان منجهان حالو (Aura) به وجود ۾ ايندو آهي. ان ستاري مادي مٿان خيال، جذبا ۽ محسوسات جذب ٿيندا آهن ۽ جتان اهي جسماني بدن منجهه منتقل ٿيندا آهن. جسماني بدن ۽ همزادي جسم ٻئي ڌڪن ۽ زخمن جا شڪار ٿي سگهن ٿا. همزادي جسم کي ڌڪ سندس توانائيءَ جي تهن کي نقصان رسائيندا آهن، جڏهن ته جسماني بدن کي سندس چمڙيءِ ۽ هڏن منجهه ڌڪ جو احساس ٿيندو آهي. همزاد لاءِ هڪ نظريو اهو به آهي ته ان کي نور منجهان تخليق ڪيو ويو آهي، جنهن جي ڪري ان کي نوري شعور عطا ڪيل آهي. ان جي ڀيٽ ۾ ايٿر جو مواد کي ان ساڳئي نور منجهان نه پر ڪائنات جي تخليق جي وقت ٻين مادن وانگر خلقيو وي