roshni

شاعريءَ لاءِ چورايل پَل! فطرتي جماليات کان نظرياتي رومانس تائين جي دلربا وابستگيءَ جو شعور رکڻ وارو ڪوبه حساس ماڻهو ڪنهن به اهڙي معاشري ۽ ماحول ۾ ڪڏهن به سُڪون جي چادر تاڻي اکيون پوري سُمهي نٿو سگهي، جتي ڊگهي اوپرائپ جو شهر پکڙيل هجي! ڪڏهن به سمجهه ۾ نه ايندڙ معاشري جي نه سمجهه ۾ ايندڙ مزاج تي سوچي اڪثر ڪري سامايل چريان ڇوڪرين جهڙا ٻرندڙ سوال هٿن ۾ پٿر کڻي جڏهن وجود جي پوينا ڪاهي پوندا آهن، تڏهن ذهن پراڻي زماني جي پارسي ماڻهو جي لاش جهڙو ٿي ويندو آهي، جنهن کي ڪنهن ڏورانهين اوچي ڏونگر تي ڇتا ڪانگ پٽيندا رهندا آهن ۽ بکايل ڳجهون ٻيرو ٻيرو ڪري کائينديون رهنديون آهن! پوءِ محسوس ائين ٿيندو آهي ته ڄڻ سمورا فلسفا گهرگهلا ٿي پَٽ تي ڪري پيا آهن! ڄڻ ته هوا گهُلڻ کان نابري واري بيهي رهي آهي! ڄڻ ته جهرڪين جي چُونگار تي ڪنهن پير رکي ڇڏيا آهن! تڏهن شاعري لاءِ وقت جي وهڪري مان ڪجهه پل چوري ڪرڻا پئجي ويندا آهن، ڇو جو ساهه کڻڻ لاءِ آڪسيجن ضروري آهي! پر الميو اهو آهي ته اسان وٽ ليکڪن ۽ شاعرن کي هڪڙا گهڙيل ضابطا اخلاق ياد ڏياري اهو ٻڌايو وڃي ٿو ته اوهان جا کنڀ ڪُتريل آهن، ان ڪري وڏي فڪري اُڏام ڪرڻ جي ڪابه

ڊيل ڪارنيگي 24 نومبر 1888ع تي آمريڪا جي رياست ميسوريءَ ۾ ميري وِل منرويءَ جي ماڳ تي ڄائو. هُن جيتوڻيڪ 1955ع ۾ وفات ڪئي، پر اِها ڳالهه صحيح آهي، ته هو لکين، ڪروڙين بلڪ اربين پڙهندڙن جي دلين ۾ پنهنجي نرالي لکڻين جي روپ ۾ هينئر به جيئرو آهي. هن جي اَبدي زندگي ۽ مشهوريءَ جو اندازو انهيءَ ڳالهه مان لڳايو، ته ڪارنيگي جن ادارن ۾ پڙهيو، تن جي عزت ۽ وقار ۾ نه رڳو واڌارو ٿيو، بلڪ علم ماڻيندڙ شاگرد اُنهن ادا رن کي ڏسڻ، ۽ منجهن پڙهڻ کي پڻ پنهنجي لاءِ شانَ سمجهن ٿا. ڪارنيگي، اسٽيٽ ٽيچرز ڪاليج وارنزبرگ ۾ 1904ع کان 1908ع تائين، آمريڪي ڊراميٽڪ اڪيڊمي، نيويارڪ ۾ 1911ع ۾، ڪولمبيا يونيورسٽي اسڪول آف جرنلزم ۾ 1913ع ۾ ۽ نيويارڪ يونيورسٽيءَ مان صحافت ۾ 1914ع ۾ تعليم ورتي. هُن لازوال مشهور ڪتاب لکيا، جن جو سَپنو ته هر ليکڪ ڏسي ٿو، پر اهڙي تعبير ڪارنيگي جهڙن ماڻهن کي ئي ملي ٿي. ڪارنيگي نه رڳو پنهنجا ڪتابَ لکيا، بلڪ پڙهندڙ کي متاثر ڪرڻ جي طريقن سميت ڳالهه ٻولهه ۽ تقرير جي فن ڄاڻڻ جا ادارا به هلايا، جتي اهڙن فنن ۽ علمن تي عملي تعليم ڏني ويندي هئي. ڪارنيگي آمريڪا جي ستر اخبارن ۾ خاص موضوعن تي ڪالم پڻ لکندو هو. ه